今日巴士一定同我有仇。。。。。

事件一

早上搭969X, 我坐左係一落車左面個D 2人座位度..
係我之後個站有一個阿伯(應該60幾歲), 同埋一個有點腳跛的女仔<--應該係父女
咁啱得番一個位, 個女仔坐完之後, 個阿伯見無人讓俾佢, 就開始係度呱呱叫
"依家D人真係無人性架，寫左讓座位，要讓俾老弱傷殘架！離晒譜。。。。＂
個時係電視下面（貼住讓座位）個男人完全唔理佢，由佢係度講
雖然個時我已經問緊同事樓上會唔會有位坐，諗住讓我個位俾佢。。
就係個時個名伯突然間好大聲咁鬧我＂小姐，讓座呀＂
咁我心諗算啦，俾左個位佢先，就執番D 野入去
然後個阿伯驚死我聽唔到定以為我唔肯讓俾佢咁，再大大聲咁鬧我＂小姐，起身啦！＂
當我讓俾佢之後，仲要加多句
＂依家Ｄ人離晒譜，要人講先肯讓位＂。。。。。。

事後同番同事，家人，朋友講。。。都話我太好蝦。。
咁無禮貌既既阿伯都讓俾佢。。
扮明就係蝦我呢Ｄ妹妹仔

事件二

落車有個客打俾我
攪到我落車時差Ｄ仆落樓梯
鞋都甩埋。。。－口－

所以說：
今日我同巴士有仇。。